RSS
Bloggvinir
ofurbaldur
gonholl
Eldri færslur
Gestabók
Skrifa í Gestabók
Gestir:
Jæja
Er ekki kominn tími á smá fréttir;) Maður verður nú að hafa eitthvað að lesa annað en skólabækur;) Kv. frá VV18
Valgerður (Óskráður, IP-tala skráð), fim. 10. sept. 2009
Hello frá donsku nýlendunni
Dett inn á síðuna hjá ykkur af og til, tað er ekki nema bara gaman að lesa um tað sem er að gerast hjá ykkur. kveðja frá Færeyjum (sjáumst kannski yfir kaffi og køku 25 sept) KG
Kalli (Óskráður, IP-tala skráð), sun. 6. sept. 2009
Hæ og hó
Hæ,hæ bara að tékka hvort það væri ekki búið að skrifa eitthvað skemmtilegt síðan í júní........hm. Aníhów, allt gott að frétta héðan, daman stækkar og stækkar og tíminn flýgur eins og ég veit ekki hvað. Er sem sagt að fara vinna aftur, eftir að hafa verið frá vinnu síðan í desember/lok nóvember. Vertu dugleg að skrifa (".) og takk fyrir innlitið og kveðjuna á okkar síðu, koss og knús.
Soffía (Óskráður, IP-tala skráð), mán. 27. júlí 2009
:)
Pabbi: Hún lofar allavega góðu. Datt ekki annað í HUG en að kaupa Nilfisk ;) Beta: Takk esskan :) endilega láttu mig vita þegar þau blómstra :D Knús til ykkar beggja!
Arnrún, fös. 1. maí 2009
Danskar ryksugur.
Þegar þú minnist á Nilfisk ryksugu þá kemur upp í hugan að eitt af því fyrsta sem við keyptum 1985 þegar við bjuggum úti var einmitt Nilfisk ryksuga, sem enn er í fullri notkun í Spóarima. Vonandi að ykkar verði "still going strong" eftir 24 ár.
Eysteinn Ó. Jónasson (Óskráður, IP-tala skráð), fim. 30. apr. 2009
Beta
Engin smá lesning þegar maður loksins fer inn á bloggið þitt og alltaf jafn gaman að lesa það sem þú skrifar.Er búin að fara í gegn um allan tilfinningaskalann: gleði, stolt, smá tár,(reyndar dáldið mörg) og svo fór ég í smá fýlu út af þessu blíðviðri þarna hjá ykkur að ég tali nú ekki um allt þetta blómstur á trjánum.En þetta stendur nú allt til bóta.Trén í garðinum mínum farin að bruma(læt þig vita þegar þau blómstra) og bara einn flutningabíll fauk útaf undir Ingólfsfjalli nú á dögunum. Knús og kossar til ykkar allra - Bið að heilsa öllum í Tívolí, kom þangað einusinni og fór í Parísarhjólið!!!!! Beta
Beta (Óskráður, IP-tala skráð), þri. 28. apr. 2009
Nú er maður hættur að halda utan um þetta allt.
Sæl elsku dóttir og allt þitt hiski. Ég er nú loks að sjá allt sem þú ert að skrá á þessum vetfangi, eftir að Skype, símatengin þín og Facebook komust í gangið, þá veit maður ekkert hvar maður er staddur. Allar fréttir eru á röngum stað. „Bara djók eins og spóinn sagði“. Það er eins gott að vera bara kominn í hálft starf til að geta fylgst með öllum þessum fréttum sem fljóta um hina ýmsu veraldarfarvegi. Kannski best þegar maður kemst yfir um að geta bara starað í þennan eina veraldar-kíki sem maður fær þar í hönd og fylgst með því sem skiptir máli. Gaman að fá þessar jákvæðu fréttir frá sléttunni þarna rétt fyrir sunnan og vonandi að einhverjar af þeim smitist hingað á klakann. Hér hefur hins vegar verið alveg yndislegt veðurfar, smá kuldi, en við höfum notið aukinnar birtu á besta máta. Verðum í sambandi á Skype, Gmail, Facebook, Voipcheap.com og öllu hinu sem í vali er næstu vikurnar.
Spóin (Óskráður, IP-tala skráð), þri. 10. feb. 2009
Beta
Til hamingju með nýju vinnuna og nýju tennurnar. Hvernig er það annars, fær maðu ekki bráðum að sjá myndir af þessum fínu tönnum. Kveðja frá Betu.
Beta (Óskráður, IP-tala skráð), þri. 10. feb. 2009
Farum og Farumbúar.
Já við hér heima á Fróni vorum farin að berja tölvurnar að utan og í vegginn til að athuga hvort einhver stífla væri komin í sendingar frá det dejlige Danmark, en ekkert dugði. Daginn eftir að ég frétti af ykkur í Farum kom jólakort frá Tómasi- og Birgitte Klamer (ekki fengið í þrú ár) þar sem fram kemur að Tómas verði sextugur þann 25. apríl og mér er boðið,verði ég í Danmörku. Þið sjáið að sjálfsögðu um að mæta í partíið fyrir mig. Jólakortið sem ég ætlaði að færa þeim kom með mér aftur til Íslands svo að ég verð að skrifa þeim, en þau búa ennþá í sömu íbúð í Paltomterrasserne 74F. Var að koma heim frá árshátið kirkjukórsins sem tókst jafn frábærlega og ævinlega þar sem Jóhann spilaði (á bassann) stórt hlutverk eins og að venju. Heyrumst og e.t.v. sjáumst á Skypinu á morgun, en ég ætla að fara í Bauginn og athuga hvort ég geti komið þeim í netsamband. Ástarkveður frá spóa í Spóa.
Eysteinn (Óskráður, IP-tala skráð), lau. 17. jan. 2009
Sakna ykkar
Voðalega er orðið langt síðan ég hef hitt á þig á msn. Ég sakna þess heilmikið að spjalla við þig þar, nú og auðvitað sakna ég ykkar bara yfir höfuð. En það er rosa gaman að fylgjast með ykkur á blogginu, enda afbragðspenni á ferð. Hafið það rosa rosa gott. Bestu kveðjur, Jónína Dögg og Hergill risi (76cm og 9,3 í 8 mánaða skoðun)
Jónína Dögg Loftsdóttir (Óskráður, IP-tala skráð), fim. 18. des. 2008
:)
Takk sömuleiðis! Þetta var hreint yndislegt og allt of fljótt að líða! -Já við erum góðar frænkurnar, haha!! :D
Arnrún, mán. 15. des. 2008
Beta
Takk fyrir vikuna í Danmark og myndirnar, gaman út í eitt. Þið eruð nú flottastar frænkurnar einkum með spennur í hárinu. Þetta voru ljúfir dagar sem við áttum saman öll. Kveðja, Beta frænka
Beta (Óskráður, IP-tala skráð), lau. 13. des. 2008
Takk fyrir móttökurnar
Elsku Arnrún og Halldór. Takk fyrir okkur, það var svo gaman að hitta ykkur og yndislegu krílin ykkar. Kær kveðja frá afa Bjarna Minna
vilhelmína þór (Óskráður, IP-tala skráð), þri. 2. des. 2008
Nú er að koma að því...
Ég hlakka svo til að hitta ykkur öll á morgun. Búin að pakka, og þá spretta alltaf upp þessar ótrúlegu áhyggjur af því að ég sé að gleyma einhverju. Loka bara á það og læt mig dreyma um morgundaginn. Beta
Beta (Óskráður, IP-tala skráð), fös. 28. nóv. 2008
Svalur ...
Ekkert smá flottur Eysteinn! Séðig á morgun :)
Gulla (Óskráður, IP-tala skráð), fös. 28. nóv. 2008
Flottar myndir
Mér fannst nafni hafa elst um eitt til tvö ár við töff klippinguna. Það er eins gott að maður fari að drífa sig í að koma til ykkar áður en hann vex manni yfir höfuð. Vonandi verðið þið ekki komin með upp fyrir kok af heimsóknum þegar ég svo bætist í hópnn. Fullur, þ.e. af tilhlökkun. Ástarkveðjur úr Spóa frá hinum eina og snna spóa.
Eysteinn Óskar (Óskráður, IP-tala skráð), fim. 27. nóv. 2008
til hamingu
til hamingu með systir þína. voru þetta ekki fyrstu skrefin á myndbandinu kv,nökkvi vinur.
Nökkvi Helgason (Óskráður, IP-tala skráð), mán. 24. nóv. 2008
Hlakka til
Arnrún mín, reiknaðu með að við hringjum á föstudeginum. Bestu kveðjur, Minna
vilhelmína þór (Óskráður, IP-tala skráð), mán. 24. nóv. 2008
:)
Að sjálfsögðu viljum við endilega fá ykkur og vonum að þetta verði nú ekki í allt of mikilli mýflugumynd :) Hlökkum til að sjá ykkur!
Arnrún, mán. 24. nóv. 2008
Gömlu kerlingarnar í Köben
Arnrún mín, Heiða var að hringja og minna mig á hvað við verðum ofboðslega bissí í selskapslífinu. Okkur datt í hug hvort við mættum bara ekki koma til ykkar á föstudaginn 28. svona rétt að kíkja, við myndum koma við í bakaríi og kaupa eitthvað kruðerí. Þannig getum við fengið að hitta krílin (það má nú víst ekki kalla hr. Eystein Aron það lengur), þú þarft ekkert að hafa fyrir okkur. Hvað segir þú um þetta? Við hringjum til ykkar þegar við erum mættar á svæðið. Kveðja, Minna
Vilhelmína Þór (Óskráður, IP-tala skráð), þri. 18. nóv. 2008
Litla skinnið
Ósköp að heyra þetta með litlu elskuna. Vonandi hristir hún af sér þessa ólukkans pest sem fyrst. Hlakka til að sjá ykkur, við komum út 27. nóv. og förum heim 1. des. Kveðja Minna
vilhelmína þór (Óskráður, IP-tala skráð), mán. 17. nóv. 2008
:)
Já, bíddu hvaða daga verðið þið hérna? Gengið er, skv. Danske bank: 1$=6DKr. Hlökkum til að sjá ykkur :)
Arnrún, fös. 14. nóv. 2008
Flotta litla Jódís
Mikið undur er hún dásamleg !!! Hlakka til að sjá hana (og reyndar ykkur öll). Heiða sagði mér að þið væruð með gesti þessa daga sem við verðum þarna úti en ég vona nú samt að þið finnið tíma til að hitta okkur aðeins. Já svo var hún Sigga vinkona að biðja mig að spyrja ykkur á hvaða gegni US dollarinn væri í Köben. Getur þú fundið út úr því fyrir mig. Bestu kveðjur, Minna, p.s. Bjarni var að leggja af stað til Siglufjarðar með Brynjólfi, gott að fá smá tilbreytingu
Vilhelmína Þór (Óskráður, IP-tala skráð), fös. 14. nóv. 2008
:)
Hmmm... ég sé þau öll :P vona að það hafi þá lagast. En góð lausn, ég verð að fara að festa mottuna undir! :D
Arnrún, fös. 14. nóv. 2008
Skemmtileg myndbrot
Það þarf sko ekki mikið að æfa sig í finnskuni hjá Minnu og co, ég man ekki betur en að allir sem heyrðu íslenskuna í den, héldu að við værum Finnar. Best að vera með finnska fánan í barmi. Því miður vantaði tvö fyrri myndbrotin (kom bara "We're sorry, this video is no longer available". En hin brotin voru ofsa "krútt". Legg til að þið setjið mottu með parketbóni undir koppinn, en þá virkar þetta eins og róbotryksugurnar sem við þurfum öll að kaupa hér á Klakanum. Ódýr lausn á gólfþrifum. Spóinn.
Spóarimaspóinn (Óskráður, IP-tala skráð), fim. 13. nóv. 2008
:)
AHAHAHAHAHAHA... já, mikið líst mér vel á að taka bara finnskuna á þetta. Svo erum við líka búin að ná nokkrum tyrkneskum orðum sem við getum miðlað til ykkar. Á nokkrar slæður sem við getum sveipað okkur, það hlýtur að vera gott dulargervi ;) Dettur annars ekkert sérstakt í hug fyrir ykkur til að koma með, kannski einn pakka af harðfisk ;) Það væri náttúrulega baaara næs ;) Mikið hlökkum við til að sjá ykkur!!! -Gott að þið hafið það gott hjúin :)
Arnrún, sun. 9. nóv. 2008
Heilsufar barnanna
Arnrún mín, vonandi eru krakkarnir að hressast. Nú styttist í að við Heiða mætum á svæðið með okkar fríða föruneyti. Er eitthvað sérstakt sem þú vilt að ég komi með? Við erum að hamast í að æfa okkur í finnsku, það er víst ekki ráðlegt að láta íslenskuna heyrast þarna eða hvað? Bestu kveðjur, Minna P.s. Við Bjarni höfðum bæði gott að hælisvistinni
vilhelmína þór (Óskráður, IP-tala skráð), lau. 8. nóv. 2008
Lasarusinn.
Já gott er að eiga einn Gutta og Lubba er gengur allt niður sem sett er í kvið og hiti í kropp rýkur upp, helst vil gubba, hósta og ragna að íslenskum sið.
Spóinn (Óskráður, IP-tala skráð), fim. 6. nóv. 2008
:)
Hehe, nákvæmlega!! Við eigum nú einu sinni þetta hótel, allir Íslendingar. Svo ef við mætum 7 á svæðið þá hlýtur hlutfall okkar (7/300.000) að jafngilda allavega svona eins og einu góðu herbergi með morgun- og kvöldverði!
Arnrún, þri. 4. nóv. 2008
sitt af hvoru tagi
Hlakka til að heyra hvernig Eysteinn upplifði ferðina. Sannkallað ævintýri. Við mamma farnar að telja niður dagana þangað til við komum. Hlakka ekkert smá til. Sá í blaðinu að íslenska ríkið á núna hotel d'Anglaterre og sitthvað fleira í Höfn. Spurning ef í harðbakkann slær hvort við getum ekki gerst besættere og tekið bara yfir. Ef íslenska ríkið á þetta geta danskar löggur varla hent okkur út ... eða hvað??!
Gulla (Óskráður, IP-tala skráð), mán. 3. nóv. 2008
:)
Já það liggur við... kannski við getum bara notað bassann og nýja magnarann í það djobb ;)
Arnrún, fös. 31. okt. 2008
Porno-dog
Það vantar ekkert nema góðan klámgítar í þetta partí hjá ykkur ... wagga wagga ...
Gulla (Óskráður, IP-tala skráð), fös. 31. okt. 2008
:)
Takk fyrir það :) Haha! Við sluppum nú alveg við að fá skítinn framan í okkur í þetta skiptið allavega :D Mikið væri nú gaman ef þið kíktuð til okkar þegar fram í sækir. Kveðjur til Gervahverfis.
Arnrún, þri. 28. okt. 2008
Kveðja frá heilsuhælinu.
Sæl elskurnar. Hún er ótrúlega skemmtileg þessi síða ykkar og ég les hana næstum á hverjum degi. Það eru fjörutíu og þrjú ár síðan ég var í dýragarðinum. Ekki voru nú allir aparnir jafn skemmtilegir þá. Við stóðum fyrir framan búr hjá stórum öpum og það var þykkt gler fyrir innan rimlana. Sem við stóðum þarna skellur allt í einu dilla á glerið. Einn apinn hafði þá skitið í lófa sinn og þrumað því í átt til okkar og lenti klessan í andlitshæð innan á glerinu !!! Gaman að sjá hvað þið fáið margar heimsóknir. Við Minna erum að velta fyrir okkur að kíkja á ykkur, en það verður ekki fyrr en á næsta ári. Bestu kveðjur og gangi ykkur allt í haginn. pabbi
bjarni (Óskráður, IP-tala skráð), þri. 28. okt. 2008
Dýrigarðurinn
Já hann er eflaust orðinn dýr dýragarðurinn. Ég hef nú ekki komið þaðngað síða við fórum með ykkur fyrir 23 árum að svo og þá þótti okkar hann svo sem ekkert ó-dýr. Hér allt hvítt og enn ein roklægðin að leggjast yfir í nótt, en það urðu sem betur fer engin slys eftir rokið (aðallega á Vestur og Norðurlandi) s.l. nótt. Já síðustu sumardagar kveðja með vetrarveðri og eins og við segjum of, hér er ekkert haust né vor, bara sumar og vetur. Eflaust verður svo sumarblíða í nóvember og desember eins og stundum áður hér á Fróni. Allt í besta gír hér í Spóanum þessa haustsfrídaga sem komu á réttum tíma fyrir kennara og nemendur. Ástarkveðjur og njótið samverunnar við Gurrý og Leif. Spóinn.
Eysteinn (Óskráður, IP-tala skráð), fös. 24. okt. 2008
Elskan mín ...
... er þetta best lukkaða fjölskyldumynd helgarinnar? Mér finnst nú þessari bráðhuggulegu og einstaklega laglegu fjölskyldu ekki gerður greiði með þessari grettumynd upp í sólina! Gaman að sjá framan í ykkur samt :)
Gulla (Óskráður, IP-tala skráð), þri. 21. okt. 2008
Missjútú!
En frábært með ykkur mæðgin!!! Ég vona að báðir þættirnir verði settir á netið svo maður geti fylgst með ykkur :D Jiii, hvað ég er farin að hlakka til að fá ykkur til okkar og við eigum sko nóg af heddfónsum handa öllum sem þurfa ;)
Arnrún, mán. 20. okt. 2008
Missjú
Alveg frábært að lesa þetta blogg, eitt af fáu skiptunum sem ég flissa upphátt alein og allir í vinnunni verða voða forvitnir :) Hlakka ekkert smá til að koma og hitta frænku mína minnstu sem sjálfsagt verður farin að hlaupa um allt á aðventunni. Svo þarf hún að fara að hætta þessu bulli og fara að segja hátt og snjallt: Gulla! Það er jú gjarnan fyrsta orðið sem börn segja eins og allir vita. Hér er ískalt og snjófjúk en allir hressir. Ég á líka afmæli á morgun og ætla að baka góðu kökuna í tilefni af sjálfri mér. (ég er alveg að falla saman af sjálfhverfu hérna). Annars hefur verið voða gaman fyrstu vikuna eftir að við kveiktum á Friðarsúlunni, fullt af fólki að fara á hverju kvöldi og mikil stemmning. Já, og Ólafur og félagar hentu saman atriði og kepptu í undankeppni Skrekks í Hlíðaskóla og unnu! Ólafur er semsagt að fara að keppa í Skrekk. Og ég að fara að keppa í Útsvari á föstudaginn. Ég veit ekki alveg hvort mér finnst fyndnara. En það er greinilega mikill keppnishamur runninn á ábúendur Miklubrautar. Sakna ykkar mikið og hlakka til að hitta ykkur. Það er alveg endemis hellingur af kaffibollum og trúnóum sem þarf að vinna upp þessa viku þarna á aðventunni. Setum bara heddfóns á mömmu ;) Knús til ykkar.
Gulla (Óskráður, IP-tala skráð), mán. 20. okt. 2008
ótrúlega fyndin
Arnrún mín, þú ert alveg óborganlega fyndin og pistlarnir þínir svo skemmtilegir. Dásamlegt að fylgjast með hvernig ungdómurinn upplifyr breyttan heim !!! ha, ha, ha. Það er líka stórkostlegt hvernig þið upplifið og njótið dvalarinnar hjá danskinum. Flottar myndir. Bestu kveðjur úr "slippnum" amma Minna og afi Bjarni
Vilhelmína Þór (Óskráður, IP-tala skráð), fim. 16. okt. 2008
Jahá..
Ég held að þú sért að verða kominn með nýjan bíl í hendurnar eftir allt sem er búið að skipta um og laga í honum. :D :) :D :)
Arnrún, fim. 16. okt. 2008
Hótanir og púströr
Sæl elskurnar mínar í "Det dejlige Danmark". Já fyrirsögnin var heldur góð hjá þér núna þar sem pústið á Galloper fór í sundur í gær. Fæ tíma í næstu viku til að laga það. Skemmtilegar myndir en hvað með fyrirheitin um að skrifa ekki meira ef enginn svaraði? Ég þorði ekki annað en að senda þessa línur til að svo færi nú ekki. Þú ert greinilega með ættargenin hvað varðar pólitíkina eins og kemur fram í blogginu. Ekki að ástæðulausu að maður hafi prófað að kjósa alla flokka í gegnum árin, en alltaf verður maður fyrir vonbrigðum. Maður verður e.t.v. bara að snúa sér að því að bjarga þjóðarskútunni þegar enginn virðist geta gert það af þeim mönnum sem þykjast vera fulltrúar okkar kjóenda. Hvað sem öllu líður erum við ríkasta fólk í heimi á meðan við eigum yndisleg börn og barnabörn og hvað þá alla þá flottu vini sem umliggja okkur. Hér hefur líka verið flott veður, bjart en ekki hátt hitastig. Gott að fá birtuna áður en mesta skammdegið skellur á hér á Fróni. Ástarkveðjur úr Spóa frá spóa. EÓJ.
Eysteinn Óskar (Óskráður, IP-tala skráð), mið. 15. okt. 2008
Ha??!!
Hótanir??! Hver var að tala um hótanir?! Nei ég setti bara af stað skemmtilegan leik og ég er sko afskaplega ánægð með þátttökuna :D Þakka þér fyrir, faðir minn kær, falleg orð í minn garð. Ég reyni mitt besta að skrifa eitthvað jákvætt, og það er í sjálfu sér ekkert erfitt þar sem ég á svo dásamlega fjölskyldu sem alltaf er að segja og gera eitthvað sem gaman er að ,,segja" frá.
Arnrún, mið. 15. okt. 2008
Fréttarþrá á þessum tímum.
Sæl elskurnar. Það er gaman að sjá eftir hótanir þínar dóttir mín að nú kæmu engar fréttir nema að viðbrögð finndust við þeim. Og ekki stendur á þeim. Allir dauðhræddir, eins og ég, að þessum skemmtilegum pislum fæi fækkandi. Nei það má ekki ské og eins og þú sérð erm við að fylgjast með þótt ekki séu alltaf svör við hverri frétt. Þetta reynist okkur dásamlegur miðill og væri mikil synd ef af lykist. Þú ert svo dásamlegur penni dóttir mín að það er alltaf jafn upplífgandi að skella sér á vefinn og fá fréttir af ykkar afkomu í blíðu og stríðu. Víð hér á "Klakanum" höfum lært að synda marvaða og komumst því af í ólgusjó fréttamennsku erlendra blaða. Erum kát og verðum ofsakát ef eitthvað fer upp á við í andlegu hugarfari okkar hér á klakanum. Spóinn.
Eysteinn Óskar (Óskráður, IP-tala skráð), þri. 14. okt. 2008
Gaman að ,,heyra" frá þér frænka góð! :D
Já ég er sko löngu farin að telja dagana þar til þið komið mæðgurnar að heimsækja okkur (46 dagar í dag :). Við hlökkum svooo til að knúsa ykkur í klessu. Það styttist nú óðum og asskotinn ef það verður ekki komið eitthvað af dönskum krónum í bankahreysin þá.
Arnrún, þri. 14. okt. 2008
Loksins viðbrögð frá frænku
Mikið er gaman aðfá allar þessar jákvæðu og skemmtilegu fréttir frá þessari æðrulausu litlu fjölskyldu í Köben, að ég nú ekki tali um myndirnar. Svona líka sæt og fín og glöð. Nú er ég líka farin að telja dagana þangað til við Gulla komum til ykkar. Ég ætla bara rétt að vona að Bankinn láti okkur fá einhverja ögn af skotsilfri sem danskir taka mark á! Hlakka til að fá að knúsa ykkur. Beta
Elisabet Sigurðardóttir (Óskráður, IP-tala skráð), þri. 14. okt. 2008
Barnaleikir :)
Já þau eru svona snögg að fara í fullorðinsleiki þarna í Danmörku blessuð börnin. Þeir hafa verið með öðru sniði leikir hinna fullorðnu hérna á Fróni, skrítnir tímar sem við lifum. En spennandi líka. Frábært að Eysteinn skuli geta tekið út ferðina sem þú varst búin að safna fyrir í denn og komst ekki í. Það er bara réttlátt. Hlakka til að hitta hann í desember og spjalla við hann á dönsku :)
Gulla (Óskráður, IP-tala skráð), mán. 13. okt. 2008
Góður!!!
Hahahahaha!!! Alltaf gott að vera vel undirbúin fyrir það sem koma skal :o) Vonandi fáið þið nú allavega dressingu út á kálið svona til bragðbætingar. Bestu kveðjur á heilsubælið!
Arnrún, mán. 13. okt. 2008
Kveðja af hælinu
Sæl öll. Alltaf jafn gaman að lesa bloggið ykkar og fá fréttir. Við erum hér á heilsuhælinu uppá vatn og kál, komum sl. miðvikudag og ætlum að vera 4 vikur. Erum að æfa okkur fyrir elliheimilið, hér var harmonikkuball á fimmtudaginn, við horfðum nú bara á dansinn þar sem við erum samtals á ca. 1 og hálfri löpp. Hins vegar dönsuðu þarna af miklum móð flott pör og svo 100 kg. kerlingar saman í políesterblússunum sínum. Næsta skemmtun ku vera bingó!! Svona er örugglega lífið á elliheimilinu og við verðum bara undirbúin. Vonum að þið hafið það bærilegt þrátt fyrir efnahagsþvinganir. Ástarkveðja, pabbi og Minna
pabbi og Minna (Óskráður, IP-tala skráð), mán. 13. okt. 2008
Öfund öfund, ooo eplatínsla!!
Oooo hvað ég væri til í að vera úti líka núna...það er enn öfund í gangi hjá mér!! Flott að allt gangi samt vel...og já...bjartsýn með eplatínsluna ;) hehe alltaf gott að vera bjartsýnn
Dísa (Óskráður, IP-tala skráð), mán. 6. okt. 2008
Gæsalappir.
Nei ekki það að ég ætli að ráðleggja ykkur að éta gæsalappir eins og sviðnar kindalappir, heldur sá ég að þær líta svona “ út í ritlinum sem hér er notaður. Spóinn.
Eysteinn Óskar (Óskráður, IP-tala skráð), fim. 2. okt. 2008
Engar fréttir? Annað sýnist mér.
Ja hérna. Þreytt á þremur sjónvarpsstöðvum. Hér eruð þið að missa af eldhúsdagsumræðum frá alþingi svo að við erum ekki plöguð um of af fréttum hér á Fróni.. Vaðlaheiðar hvað..? Var það ekki Vaðlaheiðarvegavinnumannaverkfæraskúrsútidyralyklakippuhringurinn? Aðeins lengra orð en það sem þú settir saman, en í svipuðum dúr, eða moll. Þið „kan ske“ athugið með miða fyrir mig á sýninguna, ég tek á besta stað á rúmar 15.500,- ísl. sem eflaust verða orðnar nær 20 þús. þegar ég kem í desember. Þetta hlýtur að vera dýrmæt sýning. Það er gott með hana Jódísi mína meðan hún tekur bara eitt til tvö skref í einu, en hvort það dugi að ákalla Jesús þegar fleiri bætast við skal ég kanna hjá sóknarpresti. Ekkert að frétta nema rigning? Hér var orðin alhvít jörð þegar við komum af kóræfingu í kvöld og miðað við förin eftir Úmu hér á veröndinni myndi þetta kallast „hundslappadrífa“ en hann snjóar enn svo að það kallast eflaust eitthvað annað þegar líður á kvöldið. Kveðja Pabbinn í Spóanum.
Eysteinn Óskar (Óskráður, IP-tala skráð), fim. 2. okt. 2008
Krónur og kórónur
Hæ elskurnar (Siggi og Kristján líka) Þegar þetta er skrifað stendur dkr í tæpum 22 isk og ég er byrjuð að safna Ora í dós til að taka með í heimsókn í desember. Velti fyrir mér hvort ég nýti mér aðstöðuna og lýsi yfir fríríkinu Viðey, krýni mig drottningu (sem ég er nátturulega orðin nú þegar, vantar bara krýningarathöfnina)og slít sambandslögunum við Ísland. Gjaldmiðillinn hér yrði gæs (sem er hér í hundruðum á túnunum), æðardúnn og kartöflur (á svona eitt og hálft tonn af eðal Viðeyjarkartöflum). Ég treysti mér alveg til að reka hér mun tryggari peningamálastefnu en gert er í Reykjavík. Ég geri þetta bara :) Læt ykkur vita hvernig tekst til. Annars allt fráb! Kristjana og Svavar Knútur með tónleika í Viðeyjarstofu í kvöld og svo verður kveikt á súlunni eftir viku. Allt að gerast. Hafið það dejligt og dásamlegt. Knúsa ykkur, Gulla.
Gulla (Óskráður, IP-tala skráð), fim. 2. okt. 2008
Afi Bjarni.
Sæl öll elskurnar. Minna fór í aðgerð á hné í morgun. Það var verið að laga rifinn liðþófa. Hún verður á hækjum næstu daga eða vikur. Hún ætlar að ná sér í Hveragerði. Afmælisdagur mömmu er á fimmtudaginn, en það á að halda upp á afmælið á sunnudag í Rauða húsinu. Þar fáum við allar veitingar og þjónustu. Bara að mæta og hafa það gott. Það verður ekkert til sparað að hafa veisluna flotta. Litla nýja prinsessan heitir Auður Vilhelmína og er Jóhannesdóttir. Bless að sinni. afi
Afi Bjarni (Óskráður, IP-tala skráð), þri. 30. sept. 2008
Æ takk :)
Gaman að fá svona skemmtileg komment (athugasemd hljómar svona eins og maður hafi gert eitthvað vitlaust í ritgerð, svo ég nota bara komment í staðin ;). Pestin er nú að sýna á sér fararsnið hjá öllum nema Jódísi Guðrúnu, henni virðast líka bara ágætlega á þeim dvalarstað. Fer að fara með hana til læknis ef þetta lagast ekki. Mig langaði að nota tækifærið og óska ykkur til hamingju með nýjasta fjölskyldumeðliminn. Og að sama skapi að spyrja, hvað heitir nú litla jafnaldran hennar Jódísar?
Arnrún, þri. 30. sept. 2008
Skemmtilegur penni
Elsku Arnrún, Halldór, Eysteinn og Jódís. Það eru svo brjálæðislega skemmtileg skrifin ykkar. Það er bara á við góðan skammt af vítamíni að vakna og kíkja á síðuna ykkar, maður fær hláturkrampa og einhvern veginn eruð þið nær okkur núna en áður. Vonandi er pestin á undanhaldi og Arnrún mín, láttu karlinn fara æfa sig í að tala fyrir sig!!. lovvja amma á Kjalarnesinu
amma (Óskráður, IP-tala skráð), þri. 30. sept. 2008
Til pabbans á Esjugrund:
Ó en yndislegt!!! Fengum bara í kór tár í augun af hamingju yfir þessari frétt. Hafið það sem allra best og látið ykkur nú batna sem fyrst allra meina svo þið getið farið að kíkja á okkur :) Rembingsknús frá Køben.
Arnrún, lau. 27. sept. 2008
Pabbi á Esjugrund.
Sæl öll. Það er frábært að fylgjast með nánast hverju fótmáli ykkar í Köben. Ég fer inn á vefinn ykkar a.m.k. einu sinni á dag. Minna biður að heilsa ykkur öllum. Ástarkveðjur, Pabbi á Esjugrund. Ps. var hjá lækninum í dag og það finnst enginn krabbi lengur !!! Lyfjameðferð er lokið og nú taka við fjórar vikur í Hverðagerði. Minna fer í aðgerð á liðþófa í hné á þriðjudaginn. Hún verður á hækjum einhvern tíma, en fær endurhæfingu í Hveragerði við sitt hæfi. Við erum öll að koma til!!!
Afi Bjarni (Óskráður, IP-tala skráð), fös. 26. sept. 2008
Ég hlakka svo til, ég hlakka alltaf svoo til, en það er langt ó svo langt að bíða...
Vá hvað verður gaman að fá ykkur öll hingað og jújú, segðu bara V+S að koma líka, nóg er plássið :D Get ekki beðið eftir að kyssa ykkur í rusl og knúsa ykkur í drasl!
Arnrún, mið. 24. sept. 2008
Fyrsta vika í aðventu - niðurtalning hafin!
Ég er semsagt búin að kaupa miðann og hlakka ekkert smá til að koma og knúsa ykkur öll alveg í drasl :) Mamma ætlar að koma með, vona að það sé ok?! Svo veit ég að Ólafur er rosa spenntur fyrir að koma líka. Er það ekki ok?! Nefndi þetta við Valla og Steinunni og þau eru að spá í að koma bara líka með krakkana. Er það ekki ok?! Nei þetta síðastnefnda er djók. En við erum samt öruggleg að koma til ykkar þrjú saman í hrúgu á aðventunni og ég hlakka mikið til. Gangi þér vel með námið og ykkur öllum bara með allt. Heyrustumst. Gulla.
Gulla (Óskráður, IP-tala skráð), mið. 24. sept. 2008
Skrifborð handa Eysteinum.
Ja hérna, nafni kominn með danskt skrifborð. Þannig var það einnig með mig að mitt fyrsta skrifborð var danskt, keypt í Dals Varehus, sem nú hefur víst lagt upp laupana. Mig minnir að við Heiða höfum keypt það, ég 10 ára og hún 12, eftir vörulista sem pabbi og mamma sendu okkur og höfðu merkt við hina ýmsu hluti sem börnin áttu að versla í DV. Það skrifborð var í fullri notkun í ein þrjátíu ár að mig minnir. Skyldi hans borð duga svo lengi? Hef verið meira og minna í Selfosskirkju í dag, jarðarför, fundur sóknarnefndar og svo endaði þetta með mjög flottum tónleikum sem Björn Steinar, annar organista Hallgrímskirkju hélt hér í kvöld. „Knus og kram úr Spóanum" Spóinn.
Eysteinn Ó. (Óskráður, IP-tala skráð), þri. 23. sept. 2008
Sakna ykkar
Búin að lesa færslurnar aftur á bak og áfram. Rifjaðist óneitanlega upp móðursýkiskastið í einhverjum yfir dordingul á Paltholmsterraserne fyrir einmitt 23 árum. Var nú reyndar búin að segja við Sigga að þetta var gríðarlega stór dodingull! Ligg á Icelandexpress siðunni og reyni að finna út með flug og svona. Verð að heyra í ykkur betur með hvenær hentar best. Kem pottþétt ekki samt fyrr en eftir köngulóa season. Hafið það áfram gott, ég er alsæl að heyra hvað þetta gengur allt vel. Knúsa ykkur :) Gulla.
Gulla (Óskráður, IP-tala skráð), fim. 18. sept. 2008
Pabbi aftur.
Fattaði sjálfur !!! Allt fínt hjá mér nema þrekleysi. Minna er að koma frá Kína í kvöld og ég er að hamast við að þrífa, eftir 15 daga fjarrveru hennar.Virkilega gaman að geta fylgst með ykkur og fengið að sjá myndir. Skrifa betur seinna. pabbi Esjugrund
Bjarni afi (Óskráður, IP-tala skráð), mið. 17. sept. 2008
Pabbi á Esjugrund.
Sæl öll. Ég var að skrifa áðan en það fauk út í veður og vind. Veit ekki hvernig ég á að höndla þetta. Kveðja Pabbi
bjarni afi (Óskráður, IP-tala skráð), mið. 17. sept. 2008
Bara gaman að fylgjast með ykkur .-)
Snilld hvað allt er að ganga vel hjá ykkur.... Knús og kossar K,S og Ú
Kristján Jörgen (Óskráður, IP-tala skráð), mið. 17. sept. 2008
Minnir á gamla tíma.
Gaman að sjá hvernig allt virðist ganga upp. Minnir á gamla tíma með okkur gömlu systkinin og ykkur fyrir 23 árum síðan, allt gengur upp ef rétta hugarfarið er í gangi. Það veit ég að er í gangi hjá ykkur. Farnist ykkur vel það sem eftir er af ykkar stuttu dvöl. Hún verður allt of fljót að líða. Spóinn í Spóanum.
Afinn (Óskráður, IP-tala skráð), mið. 17. sept. 2008
Frá fréttum í dag.
Notarlegt að geta fylgst með gangi mála hjá ykkur. Ég ætlaði varla að þora að skrifa aftur þegar ég sá allar villurnar í síðustu skilaboðum að lokinni sendingu. Kenndi slæmu veðri um brenglun á sendingu, eða lélegu sambandi í gegnum Skott-Ice, en enginn tekur mark á því (nema ég). Eru bara 3 vikur síðan? ég hélt að það væru 3 mánuðir! Já svona er tíminn afstæður eftir því hvar hann er metinn. Elskurnar mínar ekki kalla Jódísi "Jógu" jafn mörg atkvæði en hörmuleg brenglun á fallegu nafni. Ég var sem betur fer aekki kallaður "Steini" eða eitthvað því um líkt í skóla þótt mér finndist nafn mitt sérstakt á þeim árum, og þakka fyrir það. Köngulær eru ekki enn farnar að nálgast hlýju mína, en þær verða knúsaðar "i kram" þegar þær koma, ekki ryksugaðar, þær eru svo sætar. Mikið er gaman að það sé "..bara gaman" í skólanum hjá nafna. Þar þekki ég dreng. Þetta með bassastefin, þeð er bara í genunum, bæði úr föður og afaættinni. Gaman að áhuginn og hæfilikarnir liggi þarna. Þá er miklu meira þar að baki. Ástarkveður og takk fyrir ykkar framlag til frétta. (Vonadi skila allir stafir sér, en hér hverfa margir þegar skrifað er.
Eysteinn (Óskráður, IP-tala skráð), mán. 15. sept. 2008
Ömögulegar danskar bakteríur.
Sælöll. Leitt að sjá hver þær dönsku hafa leikið systkinin grátt í byrjun skóastarfsins. Vonandi er þessu lokið. Bestu kveðjur frá afanum í Spóa.
Eysteinn Óskar (Óskráður, IP-tala skráð), lau. 13. sept. 2008
Hei alle hoppa....nei það er sænska!!! Vúps
Já flott, það er svo leiðinlegt að þurfa að segja alltaf sömu sögun billjón sinnum :D flott að henda þessu hér inn og láta okkur svo um að kíkja :D Kveðjur Dísa og Katarína
Dísa (Óskráður, IP-tala skráð), þri. 9. sept. 2008
Glæsilegt framtak :)
það verður gaman að fylgjast með ykkur hér og sjá hvernig Köben á eftir að fara með ykkur :) frábærar myndir af fallegu börnunum þínum, sé þið hafið stax pikkað upp nýja danska hártísku :) Knús til ykkar frá okkur..farvel Jóhanna
Jóhanna (Óskráður, IP-tala skráð), þri. 9. sept. 2008
Knús frá Selfoss
Elskurnar mínar, Sendi kossa og knús og vona að allt gangi vel í udlandet... Gaman að fylgjast með ykkur hér...ég er nú alveg að fara að blogga eftir fríið knús Anna
Anna S. Árnadóttir, þri. 9. sept. 2008
Nýjustu myndir
Af mbl.is
Innlent
- Lokanir í miðbænum á sumardaginn fyrsta
- Hæstiréttur tekur ekki fyrir meiðyrðamál Hugins
- Kaldasti vetur aldarinnar á Íslandi
- Fólk að „skrolla“ í pottinum
- Afgreiðslu virkjunarleyfis haldið áfram að óbreyttu
- Tveir látnir eftir umferðarslys
- Kranavatn á Seyðisfirði mengað
- Skar höfuðleðrið af íslenskri konu
- Baldur boðar komu sína á föstudag
- Vinna að því að tryggja fórnarlömbunum vinnu
