Enn lasin
9.6.2009 | 21:32
Ekki gekk það nú eftir að stelpan myndi hressast í dag. Hún vaknaði upp og fór strax að fikta í bleiunni sinni og sagði ,,píssa!" sorgmædd á svip. Eftir mikil læti í maganum á henni endaði með því að ég varð að sturta hana alla og skúra gólfið. Í allan dag hefur svo haldið áfram að ganga niður af henni en sem betur fer engin uppköst. Ca. 15 bleiur og ,,píssaaa" út í eitt. Sem er svo sem rétt hjá henni því það má segja að hún hafi ,,pízzaað" heil ósköp með rassinum í dag... greyið. En hún er dugleg að drekka og borða. Eysteinn kom heim í hádeginu, orðinn slappur í maganum, svo ég hafði þau bæði hjá mér í dag börnin. Halldór lét lækni líta á sig vegna króníska hausverksins sem er búið að vera að hrjá hann undanfarið en það kom lítið í ljós svo hann á að reyna að drekka bara nógu mikið vatn og sjá hvort það lagist þá ekki. Ef ekki á hann að koma aftur. Hann fór svo í vinnu og er að skríða heim núna kallinn. Af Pétri er það að frétta að þau fá ekki að snúa heim aftur í allavega mánuð svo hann hefur nú útvegað þeim lítið hús í Greve sem vinafólk hans á, svo þau eiga eftir að hafa það gott þar held ég bara.
Fleira er svo sem ekki í fréttum held ég í bili,
læt þetta því gott heita,
bless í bili!
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.