10. júní

Í dag á hann pabbi minn afmæli .  Til hamingju með daginn elsku pabbi!!! 

Annars ekkert að frétta, stelpan var enn lumpin í dag og greinilega ekki orðin hress.  Nú er ég bara farin að verða hrædd um að hún verði ekki búin að ná sér á laugardaginn þegar Sigrún Huld heldur upp á afmælið sitt.  Ég var hundsvekkt að komast ekki með henni í dag að versla fyrir afmælið og verð að viðurkenna að það er ekkert sérstaklega uppörvandi að vera svona marga daga inni við.  Mesta hreyfingin sem við mæðgur fáum eru ferðirnar í þvottahúsið, og það þykir okkur gaman... ótrúlegt en satt .  Þar sem hún var hitalaus ákvað ég að leyfa henni að fara svolítið út í garð í dag, enda hlýtt í veðri.  Hún var ægilega ánægð og við tókum út gönguvagninn hennar.  Það voru ekki liðnar 10 mínútur þegar hún byrjaði að jæja og vildi fara inn aftur.  Mjög ólíkt henni, svo ég sá að hún var langt frá því að vera orðin hress.

Halldór ætlar sér hins vegar að vera heima fyrripart morgundags og ég ætla SKO út.. þó ekki sé nema að hjóla hring í kringum vatnið eða eitthvað, bara aðeins að fá smá hreyfingu á mig og ferskt loft í lungun.

Ég hlakka til 

Gott að sinni

bless í bili! 

Athugasemdir

[Kristján Jörgen (IP-tala skráð) 11.6.2009 kl. 08:09]

Litla dúllan  

[Arnrún, 11.6.2009 kl. 13:00]

Hver.. ég?! :D

[Soffía (IP-tala skráð) 15.6.2009 kl. 22:45]

Greyið skinnið, ekki gaman að vera veik svona lengi og tekir á að þurfa vera inni.

Koss og knús handa ykkur mæðgum (",), frá okkur mæðgum sem erum líka búnar að vera heima og inni vegna pestar í þeirri yngri, en jæja.