10. júní

Í dag á hann pabbi minn afmæli .  Til hamingju með daginn elsku pabbi!!! 

Annars ekkert að frétta, stelpan var enn lumpin í dag og greinilega ekki orðin hress.  Nú er ég bara farin að verða hrædd um að hún verði ekki búin að ná sér á laugardaginn þegar Sigrún Huld heldur upp á afmælið sitt.  Ég var hundsvekkt að komast ekki með henni í dag að versla fyrir afmælið og verð að viðurkenna að það er ekkert sérstaklega uppörvandi að vera svona marga daga inni við.  Mesta hreyfingin sem við mæðgur fáum eru ferðirnar í þvottahúsið, og það þykir okkur gaman... ótrúlegt en satt .  Þar sem hún var hitalaus ákvað ég að leyfa henni að fara svolítið út í garð í dag, enda hlýtt í veðri.  Hún var ægilega ánægð og við tókum út gönguvagninn hennar.  Það voru ekki liðnar 10 mínútur þegar hún byrjaði að jæja og vildi fara inn aftur.  Mjög ólíkt henni, svo ég sá að hún var langt frá því að vera orðin hress.

Halldór ætlar sér hins vegar að vera heima fyrripart morgundags og ég ætla SKO út.. þó ekki sé nema að hjóla hring í kringum vatnið eða eitthvað, bara aðeins að fá smá hreyfingu á mig og ferskt loft í lungun.

Ég hlakka til 

Gott að sinni

bless í bili! 

Enn lasin

Ekki gekk það nú eftir að stelpan myndi hressast í dag.  Hún vaknaði upp og fór strax að fikta í bleiunni sinni og sagði ,,píssa!" sorgmædd á svip.  Eftir mikil læti í maganum á henni endaði með því að ég varð að sturta hana alla og skúra gólfið.  Í allan dag hefur svo haldið áfram að ganga niður af henni en sem betur fer engin uppköst.  Ca. 15 bleiur og ,,píssaaa" út í eitt.  Sem er svo sem rétt hjá henni því það má segja að hún hafi ,,pízzaað" heil ósköp með rassinum í dag... greyið.  En hún er dugleg að drekka og borða.  Eysteinn kom heim í hádeginu, orðinn slappur í maganum, svo ég hafði þau bæði hjá mér í dag börnin.  Halldór lét lækni líta á sig vegna króníska hausverksins sem er búið að vera að hrjá hann undanfarið en það kom lítið í ljós svo hann á að reyna að drekka bara nógu mikið vatn og sjá hvort það lagist þá ekki.  Ef ekki á hann að koma aftur.  Hann fór svo í vinnu og er að skríða heim núna kallinn.  Af Pétri er það að frétta að þau fá ekki að snúa heim aftur í allavega mánuð svo hann hefur nú útvegað þeim lítið hús í Greve sem vinafólk hans á, svo þau eiga eftir að hafa það gott þar held ég bara.  

Fleira er svo sem ekki í fréttum held ég í bili,

læt þetta því gott heita,

bless í bili! 

Staka

Ét fór með stelpuna til læknis í morgun vegna sáranna í kringum munninn og var hún viss um að þetta væri frekar exem heldur en kossageit og fékk hún krem við því.  Hún tók þó eitthvert sýni og sagði mér að hafa samband ef henni batnaði ekki og eins ef henni snögg-versnaði.  Stelpan var greinilega ekki alveg upp á sitt besta og sofnaði í kerrunni sinni þegar ég rétt stökk inní búð á leið heim.  Við vorum svo bara að dúlla okkur í dag, hún meira og minna með niðurgang og ég að reyna að þrífa svolítið eftir laugardagskvöldið .

Um kvöldið fór ég ásamt Lóu á tónleika sem Staka hélt í Jónshúsi.  Sigrún frænka er í þeim kór og er hann blandaður.  Tónleikarnir báru heitið Madri-GAL og voru alveg þrælskemmtilegir.  Á móti mér tók ungur maður sem bauð mig velkomna og rétti mér söngskrá og ég þakkaði fyrir og leit varla upp.  Þegar ég var að ganga frá honum segir hann  ,,Þú manst ekki eftir mér, er það?"  Þá leit ég loksins upp og sá að þarna var fyrrum kórfélagi minn úr F.Su. kórnum á ferð og er hann einmitt að syngja með Stöku.  Það var svo til fullur salur og góð stemmning og kórinn söng bara mjög vel.  

Ég kom svo heim og heyrði þá gríðarlegt org Jódísar út á götu og samt var klukkan langt gengin í 11 svo ég stökk inn í flýti því ég áttaði mig á því að Halldór þyrfti væntanlega á einhverri aðstoð að halda.  Hún hafði þá vaknað og heimtað að Halldór tæki sig í fangið en vildi hvorki vatn né snuð og enda kastaði hún skömmu síðar upp yfir hann allan.  Sem betur fer slapp rúmið hennar algjörlega svo hann gat bara borið hana beint inn á bað... og þá upphófust öskrin sem ég heyrði út á götu .  Ég tók því til við að skúra allt og reyna að koma lyktinni sem mest frá.  Halldór er í sturtu!  Ég er ekki frá því að hún hafi náð að smita mig eitthvað því mér er búið að vera hálf svona flökurt í allan dag.. nema ég sé bara svona lengi að ná mér eftir laugardagskvöldið .  Allavega er það víst að einhver verður biðin eftir að Jódís Guðrún fari á vöggustofuna.. þó ég vona að það verði bara hinn daginn 

Gott að sinni

Bless í bili! 

 

Grillið

Það var svona líka gaman í gær, Pétur, Gulli og Tanja komu og við hófumst handa við að koma partýinu í gang með því að tendra uppí grillinu o.þ.h.  Einar og Marta komu svo rétt á eftir Halldóri og hann hékk þurr en það var helv.. napurt svo við borðuðum inni.  Það var komin svo mikil stemmning í mannskapinn að gítarinn og bassinn voru dregnir fram og Bítlabókin góða .  Við fengum þó ekki að hafa hljómsveitina lengi því Steffen bað okkur vinsamlegast um að hætta með hljómsveitina... skiljanlega   Við vorum þó á mjög skikkanlegum tíma með þetta allt saman og komin upp í rúm fyrir tvö, enda var Tanja með í för og Marta átti að mæta 7 í morgun til vinnu.

Halldór átti morgunvaktina (til allrar hamingju!) og þegar ég kom á fætur var Jódís orðin lasin og búin að gubba á sófann og fleira.  Hún hafði svo sofnað milli 10 og 12, en var þó hitalaus.  Við höfðum það því bara notalegt meðan feðgarnir hjóluðu sér niður í bæ og komu ekki aftur fyrr en um 3 tímum síðar.  Þeir höfðu þá hitt á Pétur og Gulla á Nørrebro sem sögðu þeim að þau hefðu verið vakin upp um kl. fjögur í nótt þar sem kviknað hafði í byggingunni.  Reykurinn var byrjaður að koma inn um dyrnar hjá þeim og var þeim bjargað af svölunum hjá sér.  Þeim hafði verið úthlutuð íbúð á Østerbro og fá víst ekki að fara heim á næstunni.  Í fréttunum voru svo sýndar myndir frá þessu og húsið er stórskemmt.  Reyndar aðeins partur af því enda er þetta mjög stór blokk.  Pólverji hefur verið handtekinn grunaður um íkveikju þar sem hann sást í öryggismyndavél yfirgefa húsið bakdyramegin.  Bara vonandi að það sé ekki mikið skemmt hjá Pétri.

Feðgarnir eru aftur farnir í hjólatúr, á meðan ég hangi eins og slytti hérna á heimilinu í dag er Halldór með einhvern sprengikraft í sér og hefur varla fengist til að setjast niður í dag .

Læt þetta duga.

Bless í bili! 

Sverige

Á laugardaginn tóku Sigrún og Andy við börnunum okkar um tólfleytið og við komum okkur áfram niður í bæ.  Það var svooo heitt að ég var alveg að kafna, þræddi alla skugga.  Leiðir skildust við Hovedbanegård þar sem ég rölti mér niður en Halldór í vinnuna.  Lestin var enga stund á leiðinni og ég var komin til Önnu í Lundi um hálfþrjú.  Eftir rölt um bæinn og hjólatúr í verslunarmiðstöð eldaði hún handa mér yfirnáttúrulega góðan kjúklingarétt.  Við sátum svo bara úti á verönd fram eftir kvöldi enda veðrið algjörlega frábært.  Þá átti að kíkja á næturlífið sem Lund hefur uppá að bjóða.  Við prufuðum fyrst stað sem hafði verið mælt með við hana, röltum um svæðið og fengum okkur drykk.  Mér leið bara illa þarna inni.  Þetta var þvílíkur kjötmarkaður að mér leið bara eins og við værum grillaðir kjúklingar í augum karlanna þarna (svona Tomma og Jenna kjúklingar þegar hundurinn er voða voða svangur).  Við röltum okkur því lengra inn í miðbæinn eftir bjórinn okkar og komumst að því að næturlífið í Lundi er... jah.. ekki upp á marga fiska skulum við segja, og að allir fara til Malmö eða Helsingborg til að djamma.

Morgunmaturinn var að sjálfsögðu borðaður úti á verönd og svo tók ég þrjú lestina en Kalli ætlaði að vera í henni.  Ég fann hann að lokum og voru þá auðvitað miklir fagnaðarfundir.  Hann hafði fundið þetta fína hræbillega hótel fyrir okkur sem var bara hið ágætasta... nema að glugginn snéri út að rosalegri umferðargötu.  Ég gat nú svosem vel sofið en Kalli greyið er bara vanur fuglagarginu í Færeyjum og átti í mesta basli með að festa svefn.  Herberginu fylgdu eyrnatappar (greinilega af fenginni reynslu ) og hann tróð þeim í eyrum undir því yfirskini að umferðin væri svona hávær þó ég geti nú reyndar vel ímyndað mér að hroturnar í mér hafi eitthvað haft þarna að segja .

Ég eyddi öllum mánudeginum á bókasafni sem sérhæfir sig í latnesk-amerískum fræðum og fann heilan helling sem ég gat ljósritað hjá þeim.  Ég keypti mér stuttbuxur og bol enda var veðrið með þvílíkum eindæmum að ég gat vart hugsað mér síðbuxur eða peysu.  Eftir einn ííískaldan tók Kalli mig á ferlega skemmtilegan hippa-grænmetisstað sem hann hafði verið vanur að fara á og ég fékk mér svona líka ljómandi gott lasagne.  Ég fór svo snemma niður í bæ á þriðjudeginum og tók lestina til Köben þar sem sú stutta tók á móti mér með svona líka yndislegu knúsi.  Ég held hún hafi verið jafn glöð að sjá mig og ég hana.  Halldór þurfti þó passlega að fara í vinnuna svo við börnin hugguðum okkur bara saman um kvöldið.

Kalli kom svo frá Gautaborg á fimmtudaginn og ég var að kveðja hann áðan.  Við tókum hjólatúr um Mosen í gær sem var bara svo dejligt!  Í kvöld ætlum við svo að reyna að hafa pínu grill þar sem Pétur Steinsen, sem kominn er frá Nicaragua ætlar að koma ásamt dóttur og pabba og nokkrir fleiri.  Vona bara að hann hangi þurr.

Annars þurftum við að sækja stelpuna fyrr í fyrradag úr vöggustofunni þar sem hún er búin að vera með útbrot í kringum munninn og þær halda að þetta sé kossageit, hún fær þó ekki tíma fyrr en á mánudaginn hjá lækni.  Í gær var svo frídagur þar sem það var grundlovsdag, sem er þeirra þjóðhátíðardagur, það var nú ekki mikill þjóðhátíðarbragur yfir neinu fannst mér  ekki nema að allt var lokað.  Við fögnuðum honum hins vegar hér með Kalla og Lóu með því að fara í bakaríið og bjóða upp á bakkelsi með kaffinu.  Voða næs . 

Já og svo var sumargleði klúbbsins á miðvikudaginn þar sem Eysteinn og hljómsveit hans Black dreams tróð upp, opnaði prógrammið með þremur lögum og svo enduðu þau prógrammið með öðrum þremur.  Þau eru orðin alveg þrusugóð og greinilegt að mikið stolt ríkir í klúbbnum yfir getu þeirra.  Nú er bara festivalið Vilde vulkaner næst á dagskrá þann 3. júlí þar sem þau keppa í einhverjum nokkrum hljómsveitakeppnum.  Það verður gaman að sjá hvernig þeim reiðir af þar .

Jæja... ég sé að það er bara búið að vera nóg að gera, hehe!  Læt þetta þó duga að sinni. 

Bless í bili! 

 

 

 

 

 

Notó í Köben!

Nei, í þetta skipti er ástæða þagnar minnar ekki óyfirstíganleg vinna heldur frí og afslöppun.  Við Halldór erum búin að vera að njóta veðurblíðunnar undanfarna daga, sem reyndar var ekki svo mikil í dag.  Hann var svo heppinn að Helgi hringdi í hann (yfirmaður hans) og sagði honum að sýningarnar þriðjudag og miðvikudag yrðu felldar niður, svo hann fékk tvo auka frídaga.. á launum!  Hvernig er hægt annað en njóta þess?!!  Við erum búin að hjóla út um allt hreinlega, á mánudaginn sóttum við stelpuna úr vöggustofunni og hjóluðum svo til Sigrúnar og Andy í kaffi og svo annars bara búin að vera hjólandi út og suður.  Alveg hreint dásamlegt!  Hnéð á mér er allt að liðkast og ég er viss um að ég verð bara komin í fantaform eftir sumarið .

Ég er loooksins búin að fá út úr öllum prófum og er bara alveg í skýjunum með einkunnirnar mínar... alla nema eina.  Það er í barnabókmenntum, námskeiði sem ég er búin að vera að kvarta undan frá upphafi.  Meingallað námskeið og enn gallaðri próf.  Ég er bara alveg hundfúl með þetta námskeið enda fékk ég 7 í lokaeinkunn.  Eeeen... í hinum námskeiðunum gekk mér svona líka ljómandi asskolli vel!!! Lokaeinkunn Efnismenningar var 9, lokaeinkunn kenninga í kynjafræðum var 9 (inn í því var 40% ritgerð sem ég fékk 9,5 fyrir ) og lokaeinkunn karla og karlmennsku var 9,5!!! Ég er bara, eins og ég skrifaði áður, alveg hreint í skýjunum yfir þessu.  

Ég er svo að fara til Gautaborgar með Kalla mínum um helgina, með stuttri viðkomu hjá Önnu vinkonu í Lundi, en í Gautaborg ætla ég að fara á bókasafn háskólans sem á víst að eiga mjög góða Paraguay deild. Þar ætla ég að viða að mér alls kyns greinum og bókum sem nýtast mér við skrift B.A. ritgerðarinnar sem ég ætla að fara að byrja á.  Ég vona að það gangi allt vel.  Sigrún og Andy ætla að hafa krakkana meðan Halldór er að sýna á laugardaginn en svo verð ég komin aftur áður en hann þarf að mæta á þriðjudaginn (hann er í fríi sunnudag og mánudag).  Ég hlakka voða mikið til að koma til Gautaborgar, enda hef ég aldrei komið þangað.. allavega ekki svo ég muni .  Kalli er náttúrulega þaulvanur þarna og getur sýnt mér hina stórkostlegu borg, enda bjó hann þar í nokkur ár meðan hann var í námi við háskólann þar.  

Halldór fór sem sagt að vinna sinn fyrsta dag eftir fjögurra daga frí í dag.. og var EKKI að nenna því.  Hann er voða mikið að falla inn í hygge sig menningu þeirra Dana .

Stelpan vaknar orðið upp 30 sinnum á nóttu, greinilegt að tennur eru eitthvað að reyna að myndast við að koma upp.  Það var svo fyndið annars í dag þegar ég sótti hana á vöggustofuna að það var ekki séns að fá hana heim!  Hún var að vega salt þegar ég kom, skríkjandi af hamingju og svo hljóp hún beint í einhvern svona lokaðan hlaupabíl, lokaði hurðinni og þegar ég opnaði hana til að taka hana út þá gargaði hún og skellti á mig hurðina og sagði: NEI!!! Ég náði henni þó á endanum gargandi út úr bílnum (þá var ég búin að vera í ca. 20 mín. á vöggustofunni / garðinum með henni) og við hjóluðum okkur svo heim.

Eysteinn er svo með næstu tónleika á miðvikudaginn næsta, 3. júní.  Þá er einhver hátíð í klúbbnum, hlakka til að sjá þau aftur :)  Það er annars búið að vera lítið um hefðbundna kennslu hjá honum undanfarið, fóru í myndlistaskóla í tvo daga, svo eru alltaf skólagarðar öðru hvoru þar sem hann er búinn að sá fyrir gullrótum og alls kyns káli pota niður útsæði og alls kyns góðgæti fyrir okkur sem verður gaman að borða síðar á sumrinu.

Jæja, gott í bili... stelpan er vöknuð... aftur .

Bless í bili! 

 

Frumsýning: Søren Østergaard's Tivoli Varieté: Nu stopper det!

Hún Lóa var svo yndisleg að koma til mín í gær og vera hjá börnunum svo ég kæmist á frumsýninguna hjá Halldóri.  Anna vinkona kom með lest frá Lundi og beið mín á Hard Rock café... mér brá ekki þegar ég sá furðulegan mann sitja við borðið hjá henni og tala við hana.  Hugsaði bara ,,Auðvitað!  Engin laðar furðufólk eins auðveldlega að sér og Anna  -Hún er þekkt fyrir það!!!  Þegar við komum inn á svæðið var fullt af fólki fyrir utan Glersalinn og við slökuðum okkur bara þar til við sáum fólk vera að þyrpast inn.  Halldór var þarna tilbúinn á sínum stað og stökk til okkar í smá spjall fyrir sýninguna.  Við fengum sæti á besta stað, á öðrum bekk við enda sviðsins, beint fyrir aftan mónítor .  Sýningin var svo ótrúlega skemmtileg að ég þurfti að laga svarta tauma sem runnu niður kinnar og maskara mig upp á nýtt og mér var orðið svo illt í brosvöðvunum að ég var alveg búin í andlitinu!

Eftir frumsýninguna settumst við Anna bara út á svalir á veitingastaðnum við hlið Glersalsins, fengum okkur Mojito og hófumst handa við að fá upplýsingar hvor hjá annarri um það hvað á daga okkar hefði drifið.  Ooooo hvað var yyyndislegt að hafa Önnu þarna bara hjá sér .  Frumsýningapartýið var komið á fullt swing þarna við hliðina á okkur og Halldór stóð nánast við hliðina á mér þegar hann hringdi í mig til að vita hvar við værum.  Við vippuðum okkur því niður af svölunum og slógumst í hópinn.  Þar var líka þessi líka fíni fríkeypis bjór á boðstólnum!  Það kom þarna fullt af tækniliði og spjallaði við okkur, það var alveg ótrúlega gaman!  Halldór kom í tvígang, annað skiptið með sviðstjórann og hitt skiptið með hljómsveitarstjórann, til mín, þar sem þeir höfðu þá spurt hann hvort ég væri stödd þarna, og þökkuðu þeir mér kærlega fyrir afnotið af honum og báðust afsökunar á álaginu sem þeir höfðu sett á herðar hans og að leiðin hefði verið löng en endað vel og eitthvað svoleiðis. Svo hitti ég á meistarann sjálfan þarna, Søren Østergaard (sem er nokkurs konar Laddi hérna, allir þekkja hann og hann er mikið með svona skemmti-show hérna), og þakkaði honum kærlega fyrir frábæra sýningu, hann spurði mig þá hvort ég væri ekki konan hans Halldórs (sem ég var alveg rasandi á því hann var ekki með mér og ég hef aldrei hitt Søren áður) og ég játti því.  Þá þakkaði hann mér alveg kærlega fyrir lánið og bað mig afsökunar á því hvað hann hefði verið undir miklu álagi og hann væri svo ánægður með útkomuna.  Ég var aaaalveg rasandi hissa á þessu öllu saman.  Ég hef bara aldrei kynnst öðru eins... að allir biðji mig afsökunar á því hvað Halldór hefur verið undir miklu álagi.. og ekki er þetta nú í fyrsta skipti sem það er .  

Við skemmtum okkur alveg konunglega þarna þar til búið var að slökkva nánast öll ljós í Tívolí.  Þá komum við okkur bara út og fengum okkur í svanginn fyrir heimferð.  Þetta var SVOOOO gaman!!!

Svo vöknuðum við í morgun í aaaaaaaaæðislegu veðri, 23ja stiga hita og logni.  Sem betur fer er bara ekki of mikil sól.  Við erum bara búin að sitja úti í garði og spjalla og svo gekk ég með Önnu niður á lestastöð þar sem hún er á leiðinni heim til Lundar aftur.  Ég er svo hamingjusöm að vera búin að fá hana Önnu mína til mín hingað .

Nú sefur engillinn minn bara úti í vagninum og stóri engillinn er bara að hygge sig enda Kristni-himnafretadagurinn í dag (Kristi-himmelfartsdag / Uppstigningardagur)

Er hægt að hafa það meira dejligt?!!!  

 

18. maí!

Já, í dag hefði mamma orðið sextug!

Skrítið hvað tíminn flýgur og hvað stutt er síðan við vorum saman komin í fimmtugsafmælinu hennar.  Við Halldór fórum niður í bæ og ákváðum að halda upp á daginn með því að borða á mexíkönskum stað þar sem við skáluðum fyrir mömmu.  Veðrið var yndislegt, sól og hiti.  Hann fór svo í vinnuna og Eysteinn hitti mig því við ætluðum að kaupa fótboltaskó á hann.  Sem við og gerðum og sóttum svo Jódísi á vöggustofuna á heimleiðinni.  Vorboðinn ljúfi... Íslendingurinn, er kominn til Kaupmannahafnar.  Vart þverfótað fyrir Íslendingum á röltinu á Strikinu.  Fyrsta fólkið sem við hittum inní H&M var íslenskt 

Gaman að þessu! 

 Annars er ég náttúrulega búin að hugsa mikið til mömmu í dag og kertin hafa verið kveikt til minningar um hana.  Samt bara í god humør og að njóta dagsins.  Vöknaði reyndar pínulítið um augu þegar mér varð litið á nöfnu hennar þar sem hún sat að snæðingi, með jógúrt um aaallt andlit, alsæl með sig, og mér varð hugsað til þess hvað það hefði verið yndislegt ef þær hefðu getað kynnst Jódísirnar .  Hún krúttast bara upp með degi hverjum þetta barn, þó ég segi alveg sjálf frá.  Ég er öll orðin marin og blá eftir Halldór.. já, af því að hann getur ekki kreist barnið í klessu og verður því að kreista mig .

Við höfum það bara fínt 

Bless í bili! 

BÚIN!!!

Ég er búin!!!  Ég er BÚIN!!!  ÉG ER BÚIIIIIIN!!! 

Ég er eiginlega hálf eirðarlaus núna þegar ég er búin að skila af mér þessum ritgerðum og bara ekkert próf til að lesa fyrir... Halldór í vinnunni og Eysteinn úti með vinum sínum og stelpan sofandi úti í vagni.  Það rignir reyndar eldi og brennisteini hérna núna... loksins náði ég að koma sólinni til Íslands!  Já, ég er búin að vera að taka til og þrífa.. sem var svo sem ekki vanþörf á, en fæ um leið samviskubit yfir að vera ekki að læra .  Svona sest lærdómurinn á sálina .  Ohhh.. ótrúlegt að vera búin, eins og mér fannst þetta engan endi ætla að taka bara fyrir 3 dögum síðan.  Ég held ég hafi sjaldan verið eins fegin í lok annar og núna.  Reyndar verður fríið ekki langt, ég þarf að fara að bretta upp ermarnar að nýju og byrja á B.A. ritgerðinni.. en ég ætla að taka mér HEILA viku í frí!!!

Allt loksins farið að ganga hjá Halldóri, rennslið í gær gekk mjög vel og honum fannst hann vera ,,kominn með þetta!" eftir æfinguna.  Þó um æfingar sé að ræða þá eru milli fimm og sexhundruð áhorfendur á þeim og selt inn á þær.  Ég fer svo á frumsýninguna á miðvikudaginn. 

Eysteinn kom alveg í skýjunum heim í gær, hafði verið í lestrarprófi og fékk C.  Sem er náttúrulega bara frábært miðað við hvað hann er búinn að vera stutt.  Hann fékk mikið hrós frá kennaranum og var rígmontinn yfir að hafa sko ekki verið lélegastur í bekknum .  Honum er líka búið að ganga mjög vel í öllum upplestraræfingum og yfirleitt bara með einhverjar 2-3 klaufavillur sem hann er dauðsvekktur yfir því hann veit að hann getur gert þetta villulaust.

Stelpan... já hún er bara alsæl á vöggustofunni eins og alltaf, þau eru farin að vera meira og minna bara úti í garðinum og staðalbúnaður er sólhattur og sólkrem áður en hún leggur af stað þangað.  Það minnkar ekkert skapið eða ákveðnin með aldrinum en hún er bara svo mikið krútt.  Er farin að horfa í augun á manni og halda heilu ræðurnar.. og aumingja mamma skilur ekki neitt .  En það er kominn mikill skilningur og mig langar að kremja hanna í klessu þegar hún segir ,,Já!"  Ég held að engin á jörðinni hafi sagt ,,Já!" eins sætt og hún gerir .

Og svo er eurovision í kvöld.. og aaaallar Norðurlandaþjóðirnar með!  Jeyjjj!!!  Þetta verður baaara gaman!!!

Góða skemmtun í kvöld!

Bless í bili 

Stubbur!

Ég er í miðjum ritgerðarskrifum núna og get þ.a.l. ekki hellt mér í bloggskriftir en varð bara að henda inn einni færslu um það hversu yyyndisleg börn ég á.  Hann Eysteinn er sko búinn að vera betri en enginn núna þegar ég er búin að vera í prófatörn og ritgerðarskilum og Halldór fastur í Tívolíinu á æfingum.  Hann hefur tekið stelpuna út í göngutúra og leikið við hana og verið svo góður, bæði við mig og hana.  Svo er hann svo duglegur að styðja mig og knúsa mig fyrir hvert próf og óska mér góðs gengis.  Svo er hann ætíð fyrstur manna til að spyrja hvernig mér hafi gengið og hvetur mig óspart í ritgerðarskrifunum.  Hann var einmitt að enda við að spyrja mig hvernig gengi og þegar ég svaraði honum að það gengi bara vel þá sagði hann ,,Reyndu bara að hafa sem mest gaman af þessu, þá gengur það svo miklu betur".  Hann er bara svo yndislegur þessi drengur  .  Hlakka til þegar ég er búin og get farið að sinna þessum börnum mínum af meiri alúð án þess að svarið verði alltaf ,,Nei, veistu, það er bara svo mikið að gera hjá mér, kannski seinna".